أحب الشاعر فارس اسكندر أن يتوجه بمعايدة للجيش في عيده فنشر صورة رمزية باللون الأخضر تشبه بذلة الجيش وعلق عليها بالقصيدة التالية:

نحنا ما عنا جديد ، شو جديدَك؟
نحنا العِقَد ... والحل بِ إيدَك
سَرَقوا الوطن منّا وسرقوا العز
ضلّت كرامتنا = بَواريدَك ...
يا أبو البوط الأشرف من ملوك
إنتَ عملتن بشر ما عملوك
والناس سيد الكل بيسموك
ما في حدا بِ هالدني سيدَك ...
إنتَ المعارك سبعها ونسرا
انتَ المحيت الآخ والحسرة
شهدائك وجرحاك ضوّ العين
الما بتبتسم تايرجعوا الأسرى
وبكل زر ببدلتك في حجاب
دعاوي وصلا بالشر ما تنصاب
يعني قليل عليك 1 آب
كل السنة منحسها عيدَك ...
#نحنا_ما_عنا_جديد_شو_جديدك