نشر علي، إبن الممثلة السورية سلاف فواخرجي والممثل وائل رمضان، منشوراً عبر حسابه الرسمي على موقع التواصل الاجتماعي، عبر فيه عن استيائه الشديد من التهديدات والإهانات التي يتلقاها بشكل يومي، وذلك على خلفية مواقف وآراء والديه.
وكتب علي في منشوره: "مسا الخير، مع كامل احترامي وتقديري، اذا ما بتحبوا اهلي ولا تتفقون معهم على ارائهم حقكم كتير والحرية هي حرية رأي، بس مو بهالطريقة يا اخي والله العظيم مو منطق اذا بتكرهوا حدا تقعدوا تسبو فيه".
وأضاف: "بعدين اوك سبو بهاد الشخص ماشي على عيني بس من كل عقلكم كل واحد عمرو 30 و40 سنة جايين لعند واحد عمرو 16 مشان تسبوني وتهددوني وتتمسخروا".
وتابع: "يعني والله العظيم شو بتستفادوا من هالحركات، بتفهم الغضب اللي عند بعض الناس والقهر اللي ممكن يكون بقلوبكم بس ما تحولو القهر لحقد على حدا اصلا ما بتعرفوا شي عنو".
وأكمل:"انا حرفيا ما عندي اي ذنب بشي وما دخلني وبحالي، ما عندكم شي بحياتكم تعملو مفيد غير انكن تيجوا عند واحد عمرو 16 سنة وتسبوه وتهدده بحياته؟ شو هالمرض يعني".
وختم قائلاً: "بعرف ما لازم احكي بس والله العظيم تعبت من المسبات والتهديدات اليومية اللي ما بتخلص، وشكرا لتفهمكم والله يسعد مساكم يا رب".
