نعت الممثلة المصرية هنا الزاهد الممثل المصري الراحل طلعت زكريا الذي رحل بالأمس.
الزاهد التي اعتنى بها زكريا وعاملها كإبنته حيث تزوج والدتها لأكثر من عشر سنوات، كما كان أول شخص ساندها في دخول مجال التمثيل، نشرت صورة تجمعها بالراحل وعلقت :
"اخر صورة اتصورتها في كتب كتابي مع ابويا و حبيبي وسندي اللي كبرت معاه سنين.. انا فاتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت 3 بنات و كأنك ابوهم و اكتر. انا عايزة اقولك اني معرفتش كلمة بابا غير وأنا معاك. عمري ما قولت اصلا تقريبا بابا غير ليك".
"كنت بجري عليك اول معمل حاجة غلط عشان تدافع عني قدام ماما. فاكرة اول بيض اومليت وقولتلي اعملي مطعم "بالهنا والشفا" و اديتني 100 جنيه عشان تشجعني اطبخ. كنت دايما تقولي انت هتبقى حاجة كبيرة وكنت بتشجعني. كنت فخور بيا لما اتخرجت و عيطت اليوم ده. انا عمري محسيت انك مش ابويا اللي مخلفني".
"انا مش مصدقة اني مش هشوفك تاني وأقولك زازي يا زازي.. نفسي ترجع واقولك قد ايه احنا بنحبك كلنا واقولك انك اعظم ممثل. انا بحبك اوي ومكنتش اعرف اني بحبك اوي كده هتوحشني يا احن انسان عرفته في حياتي.. ارجو الدعاء".
يذكر ان طلعت زكريا كان حضر عقد قران هنا الزاهد رغم انفصاله عن والدتها.
