كشفت الممثلة منة فضالي عن تعرضها لوعكة صحية، ملقية بدورها اللوم على الذين لم يطمئنوا عليها.
وكتبت فضالي عبر حسابها الخاص على احد مواقع التواصل الاجتماعي قائلة: "كنت بموت بقالي يومين حرارتي مبتنزلش المهم الحمدلله إن الواحد كل شويه بيتأكد إنه صح إن مفيش حاجه اسمها عشره و عيش و ملح..أنا اعمل لغيري لكن غيري عمري ما حلاقيه جنبي إلا لو في مصلحة".
وتابعت: "المرض و الموت نعمة من ربنا بيكشفلنا كل شويه ناس متستهلش حتى تبص في وشوهم قليلين قوي اللي اهتمو يسالو عليا و على صحتي لكن آل ١٠٠٠٠٠ اللى عندي واللي ملهومش أي لازمة غير انهم يتفرجوا عليا و فالحين بس يقولولي واو ايه الجمال ده ايه الطعامه والشياكه دي ناس منافقه كذابه حتعيشو و تموتو كده الحمد لله اني مش زيكم ولا حكون لأني بكل بساطه بحب الكل وبحب الخير للناس كلها و مش حتغير بس مع اللي يستاهل ".
وأضافت: "ربنا كبير و الدنيا عيشه وقتيه الدوام لله صحيح أنا ممثلة و بلبس لبس مش محتشم ساعات لأن ده شغلي بس كفاية إني مش بأذى حد و لا عمري شمت في حد اتفرجو عليا قوي و احقدوا أوي و غيروا أوي اوي بس عيشوا ضمركم مرتاح زييي لو عرفتم".
واختتمت: "طبعا بعد البوست ده حلاقي تليفونات و رسايل بالهبل أحب أطمنكم آخركم عندي إنى اتفرج عليكم، كنت فاكره إن الحب اللي بيكسر طلع في أهم من الحب العشره و العيش والملح اللي متعرفوش عنه حاجة.. اخص".
