كشف الممثل المصري أحمد بدير عن كواليس زيارته إلى فلسطين وصلاته في المسجد الأقصى، وقال: "من 4 سنين في جمعية فلسطينية اسمها سيدة الأرض بتجيب رموز من كل دول العالم كلموني قولتلهم لأ إحنا مفيش تطبيع والختم مش هيلوث الباسبور بتاعي، السنة اللي بعدها قالولي هنجيب ليك وثيقة من السلطة الفلسطينية من غير ختم، كان هدفي أشوف فلسطين وأصلي في المسجد الأقصى، لكن قالولي أن التأشيرة في الضفة بس، لكن طلبت نعمل محاولة".
وأضاف خلال ظهوره ببرنامج "يحدث في مصر" مع شريف عامر: "كان في بنت هي اللي بتسوق العربية، روحنا جينا ندخل وقفونا شافوا التأشيرة قالوا لأ، راحت لمعبر تاني ووقفت شوية ولقت عربية داخلة دخلت جنبها وقدرنا ندخل وكانت السعادة الكاملة، روحت وصليت في المسجد الأقصى وروحت الحرم الإبراهيمي وصليت هناك".
وتابع: "شفت المعاناة هم شعب جبار، كان من أمتع البلاد اللي زرتها في حياتي، وإن شاء الله نروحها كلنا وهذا المحتل في مزبلة التاريخ".
