شنّت نجمة برنامج "أراب آيدول" بموسمه الأول الفنانة السورية نادية منفوخ هجوماً حاداً على مواطنتها الفنانة السورية رويدا عطية، واتهمتها بأنها سرقتها وحاربتها ودمرتها، قائلةً :"سرقتني وسرقت السبونسر اللي جايبته أنا، دمرتني رويدا ووصلت إني إحبسها وما سخيت لأنه بنت بلدي.
. بس هي سخيت إنه تدبحني وأنا مدبوحة بالحرب".
وفي التفاصيل، أشارت نادية إلى أنه بعد خروجها من البرنامج حظيت بشهرة واسعة، وتلقت عرضاً من "سبونسر" لكنها لم تستطع عمل حملة تسويقية لعدم خبرتها في هذا المجال، الأمر الذي دفعها إلى اللجوء إلى منتجة أعمال رويدا عطية آنذاك السيدة عنود معاليقي، وقالت: "أنا بعرفها من قبل وعرفني عليها الشاعر صفوح شغالة، وشرحت لها الأمر".
وأضافت ان رويدا عندما علمت بالأمر هاجمتها قائلةً لها :"إنت وين داخلة بتلعبي بملعبي"، لترد عليها نادية بالقول :"عنود ما بتشتغل بس لرويدا، هي بتشتغل للفنانة لطيفة وغيرها، وهي فاتحة مكتبها للكل".
وتابعت أن رويدا سخرت منها، وقالت نادية :"صار في مصاري بالموضوع، والمصاري ما استفدت منن، أخدوهن لإلهم، ورويدا أخدت شيك مشير لإسمي وأخدت المنتج اللي أنا جايبته.. وراحت قالتله هادي ما بتجبلك مصاري، هاي حسن صبي من وين بدها تجبلك مصاري".
وختمت نادية حديثها في مقابلة لها ضمن برنامج "شو في ما في" :"اخدت حقي من الله، رويدا تركت الشركة بعدها ونتفوا بعضهن ونشروا قصصهن عالحبال. وبعدين وقعت مع شركة تانية وصار بينهم مشاكل ومحاكم.. بس بكفي ربنا أخدلي حقي".
