تطور كبير شهده الخلاف بين الفنانة السورية أصالة وزوجها السابق المخرج الفلسطيني طارق العريان، وذلك بعد إنتشار صور له مع حبيبته الجديدة نيكول سعفان، الأمر الذي دفع بأصالة إلى التعليق على الصور برسالة هاجمت فيها العريان وفضحته متهمةً إياه بالخيانة.
والأمر لم يتوقف على أصالة والعريان، إذ دخلت طليقة الأخير الأولى هالة العتال على خط الأزمة وكتبت رسالة طويلة عبر صفحتها الخاصة على موقع التواصل الإجتماعي دافعت فيها عن العريان وهاجمت أصالة بشدّة، طالبةً منها عدم تشويه صورته لأنه أب صالح بحسب ما قالت.
وكتبت:"دي أول مرة ممكن أرد فيها، الصورة قاسية عليكي، طيب أنا لما كنت بشوف ألف صورة، وابني مش موجود فيها، يا تري إحساسي كان إيه"؟
وتابعت العتال: "كان أكتر من قاسي كان مقهورا، طيب لما كنتي بتكتبي العائلة وابني مش موجود فيها، إحساسه هو كان إيه؟ أولادك عندهم أب، أيمن الذهبي حي يرزق، لكن ابني كان عنده أب واحد بس، وللآسف مش حقدر أقول تفاصيل، طيب لما كنا بنحاول نتكلم كان ردك إيه، يا ترى قاسي، ولا حنون ذي ما انتي دلوقت، الجواز والحب والعشرة في تفاصيل محدش يقدر يعرفها، طيب مفكرتيش في يوم من الأيام أن ممكن الأب يشتري ابنه اللي من دمه، ويرفض الظلم، طيب مفكرتيش أن في نفسية ولد، ممكن تتدمر".
وأضافت العتال: "طيب دلوقت أولادك زعلانين من الكسرة، طيب يتكلموا معه ليه لحد دلوقت، أرجوكي كفاية؛ في أولاد وأنا من حقي ادافع عن ابني اللي نفسيته بقيت مش حلوة، من كتر الحرب على أبوه، كفاية، بعد الانفصال اللي كنت بتمني استمرار ليكم وربنا يشهد عليه، بس ده نصيب، الأهم دلوقت الأولاد، كفاية تشهير في طارق، هو مش خاين وأنت عارفة ده كويس جدا والأهم من الراجل دلوقت الأولاد بس، بلاش نشوه الصورة، وهو حر وانتي عشيتي معه ١٣سنة وأنا عشييت ١٠سنين، ومعملتيش أي حاجة من دي عمري، لآن الأهم كان ابني مش أنا، أرجوكي كفاية من فضلك، لآن طارق أحسن أب في الدنيا مع أولاده وأنتي عارفة ده كويس".
