وكتبت تعليقا على صورتها قائلة :"مرضيتش اكتب كلام زي الباقي لأني كل يوم بسمع كلام شكل فاللي حقولوا دلوقتي يخص ريهام، من أطيب خلق الله و جدعه و طول عمرها من قبل ما اعرفها عارفه انها بــ ١٠٠ راجل إذا ربنا ابتلاكي يبقي بيحبك و بيحبك اوي و بكره ترجعي احسن وأحسن من الاول مهما كان اللي عندك ربنا كبير يا حببتي وانتي ست الناس بجد مش مجامله انا فعلا بحبك و بحترمك وربنا يبعد عنك اَي حاجه وحشه".
وتابعت :"اما بخصوص الكلام الكتير اللي ملوش لازمه مش حرام عليكم تكتبو اَي حاجه من غير ما تتاكدو هي ريهام دي ملهاش أهل لما يشوفو كل يوم خبر أوحش من اللي قبله مش ممكن حد من أهلها يتعب علشان كلام كذب ارجوكم طول عمري بقول ارحمو الناس اللي عنده كلمه حلوه نقولها ونتأكد قبل ما نكتب اَي حاجه مش عيب بلعكس ده احترام و تقدير انا لما دخلت عمليات قالو كتير ميعرفوش اني كنت بموت و هما فاكرين بعمل عمليات تجميل".
وختمت بالقول :"ارجوكم ارحمونا مش علشان احنا فنانين أو إعلاميين نكون مش بشر أو معندناش دم و احساس بلعكس احنا عندنا اكتر من اَي حد اتمنولها ترجع بسلامه وراعو مشاعر الآخرين واسفه لو كلامي فيه غلط بس نفسي تحبونا زي ما بنحبكم" .