على الرغم من أن البعض يعتقد أن الغراب هو رمز النحس، إلا أن الممثلة السورية سلاف فواخرجي قررت أن تكسر هذا المثل وتؤكّد حبها لهذا الطائر.
وعلقت فواخرجي على صور ظهرت فيها وهي تلعب مع هذا الطائر قائلة: "من صغري وانا بتفاءل بالغراب ... وبفرح لما بسمع صوته ... بعرف انو غريب، بس هيك ... بالشام عنا شجر عالي وبكذا مكان بيتجمعوا الغربان، حديقة المتحف، الجامعات، الاداب والهندسة والحقوق، وبكتير مناطق سكنية متل المزرعة مثلا ... اوقات منتوارث عادات بدون مايكون الها اسباب مقنعة، وبتبقى مسلمات بدون مانفكر فيها ... عموما الواحد احلى انو يدور على اشياء تخليه يتفاءل احسن، ومايكون اسير للتشاؤم ... ويفكر قبل مايتبنى اي عادة انو ليش ومشان شو !!!".
