نشر الممثل المصري محمد فراج صورة له بإطلالة حزينة ، عبر حسابه على أحد مواقع التواصل الإجتماعي، معلقًا عليها: “الألم على قد ما هو إحساس قوي، على قد ما هو إحساس هشّ ورقيق، بيوصل دايمًا ما بين أرواحنا ومخاوفنا، عشان في الآخر يفكرنا إن الإنسان كائن ضعيف محتاج على طول حد يطمنه وحضن يحتويه ويحتوي الألم اللي جواه”.
أعرب فراج عن إعجابه بتفاعل الجمهور مع الصورة، قائلًا: "الفوتوشوت ده بالنسبالي كان فوتوشوت مختلف جديد، فيه مشاعر كتير حلوة، أنا بجد مبسوط وفرحان قوي من رد فعل الناس”، وزاد: “الناس قدرت تحس وتفهم من خلال الصورة إيه اللي أنا كنت حاسس بيه بالظبط في اللحظة اللي اتاخدت فيها الصورة”.
فراج وجّه الشكر لملتقط الصورة، قائلًا: "بشكر جدًا جدًا أحمد هايمن، اللي لقط اللحظة دي وطلعها في الصورة اللي قدامكم، بشكرك قوي إنك خلتني أحتفظ باللحظة دي للأبد".
يُذكر أن محمد فراج شارك في جلسة التصوير، على هامش فعاليات مهرجان الجونة السينمائي الدولي، في دورته الثانية، إلى جانب عدد من الممثلين من بينهم أمينة خليل، أحمد مالك، شيرين رضا، جميلة عوض، عمرو سلامة، خالد صالح، ليلى علوي وغيرهم.
