ردّت الفنانة ليلى إسكندر بهجوم عنيف على الانتقادات التي تعرضت لها، بسبب إطلالتها الغريبة بالحلق الكبير الذي وضعته في أنفها.
ونشرت عبر صفحتها الخاصة على احد مواقع التواصل الإجتماعي، صورة لها الى جانب صورة بقرة في أنفها حلق كبير، معبرةً عن شكرها لأبناء بلدها الذين دافعوا عنها، ومهاجمة أصحاب الأمراض النفسية وفق تعبيرها.
وكتبت إسكندر: "احلى شي بالدني لما تشوف ولاد بلدك عم يدافعوا عنك ويقولوا هالكلام الحلو...كبر قلبي اليوم بس شفت التعليقات الحلوة ..شكرااا لكل الحب (من كل الناس وكل الدول وكل الألوان والأنواع )ورح ضل قوية لانو انتو قوتي.. بس حبيت اعمل لفتة شكر لانو دايما الانسان لازم يشوف الايجابيات بالحياة مش بس يركز على السلبيات...واليوم بالسوشل ميديا صار في أمراض نفسية بدرجة عالية وكبيرة جدا لذلك لازم ننتبه مانخلي هالظاهرة تاثر على عقلنا نفسيتنا وأسلوبنا ومبادئنا بالحياة".
وتابعت: "انا على طبيعتي ومستحيل نافق حتى ارضي اي حدا واللي عاجبو يا هلا والي مش عاجبو الله و600 كبسة انفولو معو...لايكات ما بدي وفولوورز ما بشتري ومش قارية الخبرية كلا جد...نزلوا على الارض يا جماعة وشوفو مين عندو تأثير وببيع اكتر بعدين حكموا...الفساتين والجزادين والسيجار والسيارة ما بيعملوكن ستار ..اذا انت وانت فنانين حقيقين طلعوا على حقيقتكم قدام الناس...وتحملوا ضريبة اختلافكم ..وفرجوني شطارتكم بالتأثير على الارض مش بالارقام الي بتنباع وبتنشرى.. والله معكن".
وختمت: "ملاحظة لبعض الاغبياء : انا قصدا متعمدة اصور من سناب يعقوب عشان الدعم فخلوا عنكم تعليقات الي مالها اي داعي وانشروا حساب ولدكم وساعدوني في دعمه بدل لا تالفون قصص وروايات".
