بعد تعرّضه للإصابة أثناء مشاركته في تظاهرة حملة طلعت ريحتكم مساء أمس السبت في ساحة رياض الصلح، من جراء القاء القنابل المسيلة للدموع من قبل القوى الأمنية، طمأن الإعلامي والكاتب طارق سويد الجميع على صحته وأكد أنه بخير، وكتب في صفحته الخاصة على احد مواقع التواصل الإجتماعي: "انا منيح منيح نشكر الله.
..و مني احسن من ولا مواطن، اللي بصير عليه بصير عليي..الله مع لبنان و شباب لبنان... نحن منطالب بحقوقنا بالكلمة و انتو بتردو علينا بالرصاص و القنابل و المي..مش فالين..انتو رح تفلو و نحن باقيين يا زبالة".
كما ردّ سويد على تصريحات وزير الداخلية نهاد المشنوق، بعد الاحداث التي جرت أمس، فقال: "نهاد المشنوق بيعتبر انو اللي كانو بالشارع اليوم ما بمثلوا الشعب و منن الشعب اللبناني، و هني بعض المتظاهرين..نحن الشعب اللبناني و غصب عن رقبتكن كلكن سوى...نحن اللي منتحرك و منطالب بكراماتنا و حقوقنا و منطالب محاسبتكن على النهب و سرقتنا ، نحن الشعب و مش بعض المتظاهرين معاليك..الشعب يعني الناس اللي عندا كرامة و بتتحرك و بتدافع عن حقوقا و كراماتا، الشعب مش يعني الخواريف اللي بينزلو بس بأمر من زعيم الطايفة و لو عم يموتو اذا ما امرن الزعيم ينزلو ما بينزلو!..لاء نحن الشعب! نحن الناس و نحن اللبنانيي معاليك!".
