تحدث الاعلامي والكاتب طارق سويد عن الشحرورة الراحلة صباح قائلاً: "هي مرة واحدة إلتقيت فيها الست صباح.
...
إلتقيت فيا بحياتي مرة وحدة بس..مرة وحدة و اللي قالتلي ياه علمني و رح يعلمني كل الحياة...قلتلا بالحديث، بس عم ينتقدوني كتير لأن بضحك بصوت عالي عالتلفزيون، لازم خفف صوت ضحكتي شوي...قالتلي أوعا...نهار اللي بتصطنع و بتخبي شي من حقيقتك رح تفشل، خليك عم تضحك و خلي ضحكتك تلعلع..ما في أجمل من الضحكة..خليك حقيقي..واللي بدو يحبك بحبك متل ما إنت، واللي ما بدو يحبك،ما يحبك، مشكلتو....المهم إنت تحب حالك...و قبل ما إمشي قالتلي، أهم شي خلي إجريك عالأرض، هيدا كلو مجد باطل..قلتلا إذا حضرتك "صباح" و اللي بيلبقلك تشوفي حالك بنجحاتك الكتيرة و كرمالك زدتي تواضع، أنا شو بدو يخليني إتغيير؟ و من وقتا، منعت الخس ينبت براسي، و كل ما إتقدم خطوة صغيرة لقدام، بتذكر كلام الست الصباح، و بتذكر كون حقيقي أكتر و أكتر..بحبك يا شحرورة لبنان...".
