إستقبل الإعلامي عبد الغني طليس في برنامجه " مسا النور " عبر تلفزيون لبنان الخبير الإقتصادي الدكتور إيلي يشوعي والعارضة نتالي فضل الله والممثل بيار جماجيان .
يشوعي قال :" عشنا في لبنان 15 سنة من الحروب الداخلية وكان وضعنا بين سنتي 1975 و 1990 أفضل من وضعنا خلال مرحلة السلم الأهلي أي منذ سنة 1990 وحتى اليوم ، واليوم ما من أحد يريد الحرب لكنا نريد الاقتصاد وراحة الناس ".
وأضاف :" خلال الحرب إلتزمنا بالقواعد الاقتصادية ، وبالرغم من تدهور العملة في ثمانينيات القرن الماضي ظل وضع الإقتصاد اللبناني متينا ، أما بعد الحرب فقد خرجنا عن القواعد وإخترعنا لأنفسنا قواعد اقتصادية لذلك تراجع الإقتصاد ".
وتابع يشوعي :"في عنا بلبنان ثقافة مقلوبة ، بالخارج في اعتراف سريع بكفاءة الآخر وبيفتحولو الابواب ، بلبنان في احتكار فظيع بكل شي ، وهالشي بيخفف من فتح الابواب امام من يستاهل ".
جماجيان قال :" اليوم هناك أعمال درامية وحركة انتاجية ، ولكن من يقول انه لا يوجد أعمال ربما لأنها لا تعجبه ".
وأضاف :" لما بدك تعمل شركة انتاج مرتبة بدك تحضر اكتر من عمل مش اذا تأخرت المحطة تتدفعلك ما بتدفع للممثلين ، هلأ اللي ماسكين الانتاج عم بيخربطو القيم يللي كانت موجودة ، اليوم ما في مسرح اليوم هول شنسونيه والحالة تعبانة فنيا ".
وأشار جماجيان إلى أن هناك الكثير من الأشخاص المفضلين عليه وعلى رأسهم الفنان الراحل عاصي الرحباني الذي دعا جماجيان للعمل معه في مسرحية "لولو" .
وعن الغدر قال :" إذا أحد غدر بي أتحرك بسرعة وأصبح حذرا منه ويصبح خصمي في الحياة ، والغدر بحد ذاته ليس من قيم الرجولة ".
نتالي قالت :" كل شي في لبنان كان أفضل قبل عام 2000 وكان الخير أكثر بالرغم من كل المشاكل كنا نعمل وكان هناك قيمة لمن يعمل ".
وأضافت :" وصلنا لوقت الدولة صارت تضيق ، الشخص هو بيحمي حالو بأي قطاع وهالشي بيرجع للتربية ، قطاعنا رجع لورا ماديا ، وين عرض الازياء ؟ وكل واحد عم بيسبني بيعطيني دفع اكتر ، نحنا عم نجيب عارضات عالميات لنقوي المجال ولأنن محترفين أكتر وهالشي عم بيحرك الإقتصاد لأنن عم يصرفوا كتير ".
وأشارت نتالي إلى أن فكرة البرنامج الذي تقدمه حاليا ليست مقتبسة وهي وجدت خصيصا لها ، وأضافت :" ما بعتقد حدا عندو الخبرة اللي عندي ياها ، يمكن كان في تقصير بإعلانات البرنامج ، ولاقى هجوم من البعض وانا فرحت لأني بحب الناس تهاجمني لأني بعرف إني ناجحة ، وبس توصلن الفكرة وتوضحلن ياها بيقولولك إي معك حق ".
وأضافت أن العارضة هي أيضا فكر وثقافة وكشفت عن أن المشاهدين في الدول العربية تقبلوا برنامجها أكثر من اللبنانيين . وقالت نتالي إنها تعرضت للغدر كثيرا ومن أقرب الناس ، وتابعت :" الغدار إنسان مريض فيه شر اكتر من ما في خير والشر رح ينقلب عليه ، وبالنسبة الي الكلمة بتجرح اكتر وصاحب الحق سلطان اكيد مني غدارة بس باخد حقي لو باقي من عمري نهار وهيدا حقك عم تستردو وتذل الاخر بطريقة محترمة ".
وأشارت نتالي إلى أن لوالدتها الفضل الأكبر عليها ، كما أن هناك فضلا للصحافة ولبعض الاصدقاء المقربين ".
وختمت بالقول :" أنا تحاربت بشكل كتير كبير وما زلت ، واذا وقعت عقد مع السنة الجديدة رح يشكل صدمة لكل الناس يلّي ما بتردلي الخير ".
