نجت الممثلة السورية نانسي خوري بأعجوبة، بعد ما جرى معها في سوريا.
وفي التفاصيل، نشرت خوري على صفحتها على موقع التواصل الإجتماعي، مقطع يظهر التكسير الذي تعرضت له سيارتها، بالإضافة لعدد من الصور، وكتبت تعليقاً: "هيك قضيت يوم عيد ميلادي 16/7/2025 أنا شخص بخاف بهالمواقف وما تعودت ولا بحياتي رح اتعود على صوت الصاروخ أو صفرة القذيفة أو الحزام الناسف أو طلقة الرصاصة بكل الأحوال ما كان بدي احتفل، الوضع كلو ما بيحتمل أي احتفال ولكن كنت كتير حابة فكرة أني رح كون بيوم عيدي عم بعمل أكتر شغلة بحبا بالكون، رح كون عم اشتغل عم مَثِل وعلى المسرح.
كان بكفيني لحس بشوية سعادة تملي قلبي وللأسف ما صار هاد الشي. بتمنى السلامة لكل إنسان على هاد الكوكب، وبتمنى تصفى القلوب ومتل ما منقول بالمسرحية أمنيةٌ واحدة (صيفٌ لطيفٌ وشتاءٌ معتدل، لا قتال لا حرائق) الصورة لي قبل الأخيرة تماماً قبل التفجيرات الكبيرة بدقايق معدودة لصهري وأصدقائنا لي كانوا جايين يساعدونا بتصوير العرض، والصورة الأخيرة لياسمينة ضلت صامدة بوجه كلشي.أمنيتي بسنتي الـ 34، إختي وصهري والاولاد يسافروا عشي مكان وبس". وتفاعل المتابعون مع منشور نانسي خوري بشكل واسع، وانهالت عليها التعليقات التي تمنت الخير والأمن والأمان والاستقرار للجميع.
