تحدثت الممثلة المصرية نجلاء بدر، عن التجربة الصعبة التي مرت بها وهي تحاول الانجاب من خلال عمليات تلقيح البويضات على مدار عامين، وقالت إنها "قاسية جدا ومؤلمة على المستويين النفسي والجسدي".
وأضافت خلال حلولها ضيفة على الإعلامي خالد فرج: "العمليات دي صعبة جدا، فيها تدخل في الهرمونات ومضاعفات خطيرة، ممكن تسبب سرطان أو طفل مشوه. الدكتور كان بيقولي: مش إنتي عايزة تخلفي؟ خدي ده، رغم إنه ممكن يضرني ويضر الجنين".
وتابعت: "عملت ده مرتين وربنا مش عايز إني أخلف، ناس قالتلي سافروا الهند ودول كتير وخلفوا، بس ربنا مش مقدر إني أخلف".
كما تحدثت عن تأثير هذا الأمر على علاقتها بزوجها، وعن مساندة شقيقها لها: "كنت عصبية جدا وأقرب للجنون بسبب الأدوية، وطلبت الطلاق. كنت في حالة مش طبيعية، ولكني وجدت دعما كبيرا من شقيقي الأكبر "نادر"، ووقتها قال لي جملة غيرت نظرتي للأمور برمتها، وهي: "مين اللي هيخليكي تخلفي؟ ربنا ولا الدكتور؟ حسيت إني اتصفعت بالقلم، وفهمت إن حتى لو حصل حمل فالولادة نفسها بإرادة ربنا مش الدكتور. روحت رميت كل الأدوية وتراجعت، وأخويا قاللي: مش يمكن لو خلفتي يبقى ابتلاء مش نعمة؟".
وقالت نجلاء بدر إنه عرض عليها شراء بويضات من بنوك مخصصة خارج مصر: "اتعرض عليا إني أشتري بويضات جاهزة من بره، أروح أختار البويضة ويتاخد السائل المنوي بتاع جوزي. يبقى ابنه من واحدة مش متجوزها. حاولوا يقنعوني إن الزرع في الرحم هيخليني أحس بالأمومة، لكني رفضت رفضا قاطعا".
وفي ختام حديثها قالت انها تحترم قدر الله قائلة:"في النهاية اقتنعت إن الإرادة مش إرادتنا ولا إرادة الطب.. هي إرادة ربنا".
