تحدث الممثل المصري أحمد زاهر، عن كواليس مشهد ضربه إبنته الفنانة ملك، في مسلسل "سيد الناس".
وقال أحمد زاهر: "شخصية "الجباس" إنسان معقد فإنه يتفضح قدام المنطقة كلها بالشكل دا محمد سامي قالي المشهد لازم يتصدق متقوليش دي بنتي وهطبطب عليها، لازم يبقى حقيقي وواقعين الضرب كله كان بجد مكنش فيه أي تمثيل على الإطلاق. وأنا داخل أصور المشهد كنت بترعش وخايف أنا عمري في حياتي ما مديت إيدي على بنت من بناتي، لكن لما اتقال أكشن تحولت لفاروق الجباس ونسيت أن اللي قدامي بنتي وضربتها بجد، وقف التصوير نافورة عياط مني ومنها وحضنتها وقعدت أطبطب عليها وكان موضوع مؤثر جدا".
وتابع حديثه قائلاً: "فجأة قالوا نصور المشهد من زاوية تانية اعترضت في الأول لكن قالوا مينفعش، عشان أعيد مرة تاني بنفس الضرب والأداء كنت بموت من جوا، وهي ضهرها كله كان معلم أزرق وقعدت 3 أيام مش قادر أبص لها وكنت مش قادر أتخيل أني مديت إيدي عليها".