أثار الفنان السوري عبد الرحمن فواز، الملقب بـ"الشامي" قلق الجمهور، بعد أن شاركهم صورة عبر خاصية القصص القصيرة، عبر من خلالها عن حبه للبنان.
وكتب الشامي: "بتحب لبنان؟ بموت فيه.. وينك هلق؟ عم موت فيه".
وكان الشامي قد أعرب عن حزنه وألمه بسبب الأحداث الأخيرة التي يعيشها الشرق الأوسط.
وكتب الشامي: "أثناء تصدر بعض أغانيي عالمياً مبارح كنت بدمشق، وأثناء القصـ ـف على دمشق والبيت يلي عم يهز كنت عم فكر، اني نزحت للمرة الخامسة بحياتي بمعدل نزوح كل ٤ سنين ، بتصدقوا؟".
وتابع الشامي: "بطّل عندي ايمان بالاستقرار والأمان بهالدنيا لما بتكونوا بهالظروف ببطل يعنيلكم البيت الفخم بقد ما نحنا عم ندور ع خيمة آمنة النا ول يلي بحبونا وبصير عنا أسئلة متل ، كيف فيها تكمل فرحة؟ كيف فينا نعيش بسلام؟ كيف فيني كفّي مهمتي واصنع أمل للناس ؟".
وأضاف الشامي في المنشور: " بعمركن مارح تفهمو وجعنا ، بهالظروف الحب أصعب والفن أعقد والأمل معدوم نحنا ما منشبه حدا منكن، نحنا قصة نزوح ووجع وبتصدقو كمان مرة؟ أنا جاهز انزح ١٠ مرات لسا بس رح ضل كافح بهالدنيا واسعى لحقق نجاح وأرقام خيالية وقاعدة جماهيرية مهيبة لأنو هي الطريقة الوحيدة لانتقم من كلشي أذاني".
.jpg)
