نشر الممثل المصري خالد الصاوي، عبر حسابه الرسمي على مواقع التواصل الإجتماعي، مقطع فيديو له، ظهر فيه وهو يستمتع بوقته برفقة كلابه.
وأرفق الصاوي مقطع الفيديو بتعليق قال فيه: "دول اعرفهم من كم سنة بس وبيرحبوا بي كده ومش عاوزين مصلحة، بينما الناس عشرة عشرين وثلاثين سنة وأتصل لعرض مشروع او طلب صغير بعشم السنين فما يردوش او يردوا ويقولواً بكرة نخلصها ويدوبوا! وفجأة أصحى بعد شهرين على حد منهم اتصل عشر مرات وكلم مكتبي وبيتي ًبل وبيت أمي! وياخدني بالصوت ويعتب غليا عشان مش بسأل!"
وتابع: "كلابي بتاكل معايا ودول بيحاولوا دايما يأكلوا آخر دفعة مني! كلابي بتعملي هيصة لو سمعت صوتي جي من التليفون او اخش الكمباوند، بس دول بيغيروا ارقامهم لما تخلص حاجتي من ستي وما يفكروش يبعتلولي الجديدة! كلابي بتكتئب وتنام جنبي ورديات وتمسح دمعي وانا نايم لما بكون حزين او عيان او مشقوط بين انتاج مش بيدفع وضرايب ما بترحمش.. اما دول فرغم العشرة والأحضان والتلزيق لكن في ظهري بياخدوا صف خصومي وهم عارفينُ ان خطيئتي الكبرى بالنسبة لهم ولأسيادهم ان دمي حر لا اقبل اهانة من اي حد مهما كان حجمه".
وأضاف: "وكلابي زيي بتشتبك مع اي كلب يفكر يبلطج وساعات أخش معهم وأدي المغرور صاحب العدو نصيبه، و أروح البيت مع كلابي/عيالي آخر هيبرة وهيس رغم الكدمات والخدوش واثقين في إخلاصنا لبعض وعزة نفسنا، مستعدين للي بعده! وتمر لحظة شجن يعدي طيف ميكي حبيب قلبي اللي كان الأقل حجما بس الأشرس_ وهو الذكر القائد على اربعة من فصيلته وثلاثة بلدي!"
زختم رسالته قائلا: "أرتاح لصداقة اللي عندهم نخوة من اي من مخلوقات الله، ولم أعد أطيق من ولدوا احرارا فزحفوا بحريتهم الاخيرة صوب معبد الذهب وعبودية الانانية والندالة وعبادة".
