يتصدر إسم الفنانة المصرية شيرين عبد الوهاب مواقع التواصل الإجتماعي، بعد أن خرجت بتصريحات جديدة تخص أزماتها مع زوجها السابق الفنان المصري حسام حبيب.
وفي عز هذه الأزمات، أمر غير متوقع لـ شيرين عبد الوهاب، إذ إنها تستعد لعودة للساحة الفنية بأغنيتين جديدتين، بعد التعاقد مع شركة إنتاج جديدة، وهما "بتمنى أنساك" من كلمات وألحان عزيز الشافعي وتوزيع توما، و"اللي يقابل حبيبي" من كلمات تامر حسين وتوزيع موسيقي توما.
وكانت قد صرحت عبد الوهاب يوم أمس رداً على انتقادات الناس لها، عن سبب عودتها للفنان المصري حسام حبيب رغم خلافاتهما المستمرة، فأوردت: "الناس بتقول بتسمع كلامه ليه؟ أنا بروح له بالتهديدات، دمرني وبيهددني ويبتزني وبيقول كلام وقح عني وعن أصحابي، ولما بختفي بيوصلني عن طريق بنتي الصغيرة هنا، 13 عاما، ومكرهها فيا وفي أبوها وفي أهلي"، شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا، أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي. أرجوكم الحكومة لازم تتدخل أنا عاوزة الدولة تحميني لأنه بيبتزني من خلال بنتي. على مدار 6 سنوات لم أتقاضَ منه أي شيء ولم أحصل على أموال تلك الحفلات العديدة التي أقامتها، معرفش أي حاجة عن حساباتي، وكمان كسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا وخد دهبي كله مني."
كلام شيرين جاء لموقع "تليجراف مصر".
