أطلت الممثلة المصرية هاجر أحمد على متابعيها بصورة مميزة، ظهرت فيها بأجواء رومانسية مليئة بالحب إلى جانب زوجها رجل الأعمال أحمد الحداد، أثناء قضائهما عطلتهما الصيفية، و نالت الصورة إعجاب كبير من الجمهور الذي علق عليها بكلمات إيجابية.
وكانت تقدمت هاجر أحمد، بشكوى ضدى إحدى المغاسل، التي تعنى بغسل وتنظيف الثياب والحقائب، وذلك لجهاز حماية المستهلك، بسبب إتلافها حقيبة يد تملكها من قبل القيمين على المغسلة، وعدم مراعاة أنها من ماركة عالمية باهظة الثمن، ويبلغ سعرها ربع مليون جنيه مصري.
وجاء في نص الشكوى التي وجهتها هاجر أحمد عبر منشور في مجموعة خاصة بشكاوى جهاز حماية المستهلك في موقع للتواصل الاجتماعي: "تجربتي السيئة مع مغسلة، ليها فروع كتير في القاهرة الجديدة.. من حوالي شهرين ونص، اتصلت بيهم اسألهم أن عندي شنطة غالية نوعها كريستيان ديور باهظة الثمن، وفيها بقعة كدة بالألوان بسيطة بنتي عملاها، وسألتهم هل تقدروا تشيلوا البقعة دي ولا لأ؟، قالولي طبعا يا فندم إحنا كل شغلنا شنط ماركات وشنط غالية، للعلم أن سعرها الشنطة حاليًا تقريبًا 5000 دولار".
وأضافت: "لأني عارفة إني لأزم أودي الشنطة للمكان بتاعها يظبطوها بس المشكلة أن أقرب مكان ليا دبي، وأنا مش مسافرة دبي الفترة دي أبدًا، بعد ما تواصلت معاهم أكدولي أنهم يقدروا ينضفوها بسهولة، وأنهم كمان بيستخدموا نفس المواد الكريستيان ديور بيستخدموها".
وتابعت هاجر: "قُلت أنا هديكم الشنطة وشوفوا هتعرفوا ولا لأ، لو لا ابعهتوهالي، وأكدت عليهم فوق الـ 50 مرة، قالولي إحنا عندنا فني بيحدد كمان هل يقدر يعمل كده ولا لأ ومش هنجازف يا فندم طبعا".
وبعد أن أرسلت هاجر الحقيبة إليهم لتنظيفها ثم أرسلوها بعد أسبوع اكتشفت أن فيها حروق وتمزق وأنهم أتلفوها وقررت تقديم شكوى لكنها قالت آخر مكالمة حماية المستهلك قالولي الفاتورة بتاعة الشنطة اللي هيا 250 جنيها هيدوهالك تقريبا 10 أضعاف وده قانون حماية المستهلك.
واختتمت هاجر أحمد حديثها قائلة: لما كلمت حماية المستهلك اتحكالي عن مشاكل المغسلة دي وبلاويهم كتير وأنا حليت ليهم مشاكل كتير قبل كده، المهم محدش كلمني تاني، فضلت شهرين ونص منتظرة ياخدوا موقف محدش عمل حاجة، عشان كده قررت أكتب عنهم، تجربة سيئة وناس مش صادقة وكذابين وغير أمناء حقيقي اللي مستغني عن حاجته يبعتهالهم.
