تحدثت الممثلة المصرية منة عرفة عن مشاركتها في فيلم "أسود ملون"، وبشخصية "سالي".
وقالت منة عرفة: "شخصية "سالي" بنت أنثى جدا في نفسها بتحب الحب والأكل، بتشتغل منظمة حفلات زفاف، أزمتها في الحياة كل يوم بتجوز الناس ومش عارفة تجوز نفسها في رحلتها للبحث عن فارس الأحلام، أنا بشبه سالي إني رومانسية وبحب الحب والأكل. فيلم أسود ملون رومانسي كوميدي بيحكي عن قصص الحب وإزاي الأبطال الأساسيين عندهم عقدة من الحب وأخدوا صدمات عاطفية، وبيقدم الفنان بيومي فؤاد دور "دكتور الحب" اللي بيساعدهم بطريقة ما للتعامل مع العقد دي".
أما عن مشاركة مغني المهرجانات عصام صاصا في العمل، فقالت: "عصام صاصا شخص لذيذ جدا ومشاركته في الفيلم حاجة إيجابية هو عنده قاعدة جماهيرية رهيبة ودا خلى الناس عندها فضول يدخلوا الفيلم ويشوفوا عصام صاصا بيمثل إزاي وهو دمه خفيف وعامل حالة في الفيلم، أنا شايفة أن مشاركة نجوم المهرجانات في الأفلام حاجة حلوة".
