إستغربت الممثلة اللبنانية ورد الخال الهجوم الكبير الذي تعرضت له، بعد تصريحها الفكاهي، حول وجود عملين يجمعانها بالممثلين العالميين نيكول كيدمان وبراد بيت، حيث اعتبر الجمهور أنها تستخف بمقدمة البرامج في محطة الـ LBCI تيريز زرقا، التي طرحت عليها سؤالاً عن جديدها، على السجادة الحمراء لحفل الموريكس دور.
وردت ورد على الهجوم، ناشرة مقطع فيديو لها من حفل الموريكس دور، وكتبت: "شكراً .. احلى كلمة عندي.. اللي بيعرفني بيعرف انو ما بحياتي بشتغل لجايزة بل لمتعتي الخاصة اولاً.. والمجال كلّو بيعرف انو ما بعمري اشتريت او بشتري جايزة تإرضي غروري، بشتري حاجيات من أكل وغيرو وبدفع فواتير متلي متل كل الناس..
ول اللي ما بيعرف ت ما قول جاهل، بقلّو انو من بداياتي لليوم، بتّكل ع ربي وعموهبتي اللي هني عملولي شي اسمو “ استمرارية” وعملوني اسم اول غصب عن رقبة كل ناكر ، اساسهن الالتزام والاخلاقيات ، وهالاستمرارية عمرها قد نص عمري ، واللي هي بحد ذاتها “ بطولة “ ونجومية حقيقية ، (وب طولي ) واللي كتار عبالهم ينكروها ليستبدلوها بشي اسمو “ واسطة” بس لانهن بدهن اضواء وشهرة سريعة متل الوجبات السريعة ، كثرتها او المبالغة فيها مؤذية مش بس للشخص نفسو بل للمجتمع بإمو وابوه..! وبحب قول شغلة ، انا ما عندي فانز ، بالمعنى الضيق للكلمة ، و اصلاً ما بحبها لهالكلمة، بس عندي محبين من كل الوطن العربي ومتابعين من آخر الدني وجمهور عريض محترم وكلن من اجيال مختلقة ، بفتخر فيهن وبتقديرهن .. وللكارهين والكريهين والحاسدين وذوي النوايا الخبيثة اللي ما بيعرفوا يفرحوا بشي وبس شاطرين ينشروا بشاعتهن وشرورهن ، واللي متخبيين بتيابهن او ورا تلفوناتهن ، بقلّن بشفق عليكن … برجع لكلمة شكراً:
شكراً لتقديركن وحبكن ودعمكن الدايم.. وآخر شي بحب اشكر حالي لاني بقدّر اللي بعملو ، وبعرف شو هو اللي بقدر بعد اعملو ، اذا ،،، ما طال الغياب لاسباب كتيرة.. ولو كنت بغير بلدان لكانت الصعوبة بس بإختيار الأفضل لوفرة الفرص والعروض المغرية… نحنا طموحنا ابعد من واقعنا، وتحدّينا هو بإستمرايتنا ، و نجاحنا بإصرارنا.. محبتي".
