تعرض المخرج المصري أحمد ثروت على تنمر على صفحته الخاصة حول حالته المرضية اذ علق متابع على أحد منشوراته: "أبوك طلع معاه فلوس أهو وبيعالجك كويس أمال مش بيتبرع للبلد ليه".
ليرد ثروت عليه: "أستاذ سمسم، مساء الفل كل اللي على البر عوام، التنظير في المرض مؤلم لصاحب الاختبار جدًّا وكل اللي أقدر أقولهولك ربنا إن شاء الله ما يعرضك أنت أو أولادك أو والدك أو ولدتك لمرض زي اللي عندي اللي لو معاك فلوس الدنيا مش بتفيدك غير رحمة ربنا عليك ودعوات الناس.
أضاف أحمد ثروت: أنا معرفش حضرتك بس صدقني عمري ما أتمني ليك دقيقة ألم من اللي بتعرضلها يوميًا حتي لو معاك مال الدنيا وبتتبرع البلد كل يوم، يومك جميل وربنا ما يكتبها عليك وإن شاء الله ماتشوفش وحش فى أي حد بتحبه في اختبار زي ده."
ويعاني المخرج أحمد ثروت ابن الفنان محمد ثروت من متلازمة ميلر فيشر التي تلزمه الفراش ويعاني صعوبة للوقوف على رجليه.
