بعد الخلاف الذي وقع بين الفنان رامي جمال والفنان عمرو مصطفى، رد الأخير على الأول، وقال: "أنا نرجسي، وأنا مغرور، وأنا منفصل عن زمايلي، وفي حالي ومش بكلم حد في الوسط".
وتابع على صفحته الخاصة على موقع التواصل الإجتماعي: "إرتاحوا بقى وبطلوا تذكروا اسمي في كل مكان، إقعدوا اعملوا لجان في كل حته تطلع تشتمني، وبرامج مخصوص لمهاجمتي، كل ده لأني لازم أكون منافق وأشكر في ناس منافقة، علشان صورتي تكون كويسة قدام الناس".
وإختتم تصريحاته النارية قائلا: "طيب أنا عايز صورتي تكون وحشة ارتاحوا بقى".
وجاء هذا بعد تهجم رامي عليه، قائلاً بمقابلته الأخيرة في "حبر سري: "في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش؟"
وأضاف: "كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن".
وتابع: "أنا عارف إنه أطيب من الطيابة، لكن الناس العادية بتشوف مشاكلنا، ليه نصدر لهم إننا مش بنحب بعض".
