تحدثت الممثلة المصرية حنان مطاوع عن طقوسها في العيد، مؤكدة أنه منذ إنجابها إبنتها أماليا أصبح كل شيء في العيد يخص إبنتها سواء بشراء لبس العيد أو إعطائها العيدية، وقالت: "حتى أنا قبل ما أخلف أماليا كنت باخد العيدية وأنا طويلة وكبية كدا، كنت لازم أخدها من مامتي وخالتي الله يرحمها ومن جوزي، حتى لو 100 أو 50 أو 20 جنيه بكون راضية المهم يكون فيه عيدية".
وأضافت خلال خلال لقائها في برنامج مساء DMC مع الإعلامي رضوان: "بحس إني لسه صغيرة وبكدب على نفسي ومصدقاها بس دلوقتى بقينا احنا اللى بندى العيدية، وبقت كل حاجة في العيد مرتطبة بابتى سواء ترتيب الخروج أو الذهاب إلى أي مكان لا بد أن يكون مناسبا لها".
وتابعت موضحة: "رمضان لازم يكون فيه فانوس لبنتى أماليا ولازم هيا تحس بالموضوع ده، وهى عارفة الحاجات دى، وأما كنا في رمضان عندما كان المدفع يضرب كانت تقولى الأذان أذن يالا أفطر، فهي فاهمة الطقوس دي، وأنا كمان في رمضان بجيب بومب وبفرقع أنا وهيا".
