شكلت وفاة المؤلف والمنتج اللبناني مروان نجار صدمة كبيرة في الوسط الفني اللبناني خصوصاً، علماً أنه ساهم في إدخال عدد كبير من الأسماء إلى التمثيل وأصبحوا اليوم معروفين.
وقد نعاه عدد كبير من الممثلين والفنانين، ومنهم الممثلة اللبنانية ليليان نمري التي عددت مآثر الفقيد وكيفية تعامله معها، ومع والدتها الممثلة الكبيرة الراحلة علياء نمري التي عملت معه في مسرحية واحدة، وكتبت في رثائه :"خبر مؤسف بعيد الحب يغيب إللي كتب عن الحب والوطن والعيلة وعاصر اجيال واكتشف اجيال بالتمثيل ، اشتغلت معك مرة وحدة بحياتي بمسرحية سيدة حرة مُستقلة بس امي اللي متل اليوم راحت بغيبوبة قبل وفاتها اشتغَلت معك اجمل الاعمال وخاصة فارس يقبر امو، هالمسرحية اللي كسرت الدني متل باقي مسرحياتك وبكل مقابلة عن ذكرى وفاة عليا كنت تحكي عنها اجمل وصف وبحب واحترام وتقدير، الكاتب الاستاذ مروان نجار خسارة كبيرة متل الخسارات الكبيرة بهالوطن رح تبقى خالد بأعمالك والمبدعين ما بيموتوا، تعازيي الحارة لكل العائلة الكريمة، المسيح قام".
المخرجة اللبنانية كارولين ميلان كتبت :"بكير يا مروان عمهلك، تارك موطنك وناسك وأهلك، رح نشتاق لكلامك العميق، ولفكرك وقلمك، نفسك بالسما إلى جوار الرب ، إلى اللقاء".
أما الكاتب والممثل اللبناني طارق سويد فنعى الراحل كاتباً :"الكاتب الكبير و المنتج اللي عطاني اول فرصة و عرفكن عليي فل اليوم من هالدني... استاذي اللي كان اول مين وثق بموهبتي و اطلقني بمسلسل من احلى بيوت راس بيروت و من بعدا الطاغية و نسمة صيف و صارت معي و كتير من المسلسلات و المسرحيات و الأفلام، فل من هالدني، بس اسمو و اعمالو رح يبقو خالدين بذاكرتنا... استاذ مروان نجار الله يرحم روحك، فضلك عليي كتير كبير و رح تبقى استاذي طول العمر... ارتاح بسلام...".
وكان مروان نجار رحل اليوم بعد صراع مع المرض عن عمر ناهز الـ76 عاماً تاركاً وراءه إرثاً فنياً كبيراً ورصيداً من محبة ووفاء ممن عاصروه.
