كشفت الممثلة المصرية هالة صدقي أن أهلها رفضوا دخولها عالم الفن، وقالت: "من صغري كنت بحب البالية بس سني منفعش وكان عندى هدف بحب التمثيل وعاوزه أمثل وجتلي الفرصة مع نور الدمرداش في "ابنتي العزيزة" لأني كنت بلعب سباحة وجالي دور واحدة بتلعب سباحة وكان في بلاتوهات جنب النادي والنور قطع وروحت هناك وقبلت أستاذ نور وعرفني وقالي بتلعبي سباحة قالي تاخدي الدور قلتله أهالي مش موافقين وبعدين بدأت وأقنعت أهلي أني هعمل الدور ده بس وأشوف تجربتي الأولى ونجحت".
وتابعت: "وأهلي كانوا شوية متحفظين لأن الفكرة اللي كانوا وخدينها من الإعلام عن الفنانات أنهم بيشربوا وعايشين حياتهم بالطول والعرض ولازم يبقوا مش كويسين وكانت الأفلام العربية القديمة وقليل من الإعلام كانوا بيدوا صورة وحشة عن الفنان وده كانوا خايفين شوية".
