أعلن الممثل المصري ياسر جلال عن تبرعه بمبلغ ثلاثة ملايين جنيه لصالح صندوق تحيا مصر بهدف دعم الدولة المصرية خلال الازمة الاقتصادية التي تمر بها.
وقال جلال في بيان صادر عنه: "المرة دي بعلن الجهة والمبلغ اللي اتبرعت بيه لأني بتمنى إن كلنا نشترك ونعمل اللي نقدر عليه وبدعي زملائي النجوم أنهم يتبرعوا باللي يقدروا عليه، أنا عارف إن في منهم عمل الموضوع قبل كده بس لو عملوا دا تاني يبقي شيء عظيم". وأضاف: "يعلم ربنا أن السبب اللي خلاني أعمل كده هو الأزمة اللي بتمر بيها مصر دلوقتِ، أنا راجل لا غاوي شهرة ولا نجومية، أنا بشتغل وبخلص شغلي وبروح أقعد مع مراتي وأولادي، وبعمل ده لأن كلنا شايفين إن البلد بتمر بأزمة كبيرة والعالم كله بيمر بأزمة كبيرة وإن شاء الله الأزمة تعدي لما كلنا نقف جنب بعض".
