وجهت الفنانة اللبنانية هيفا وهبي رسالة مؤثرة للغاية للممثلة المصرية يسرا اللوزي، التي كانت قد تعرضت للتنمر مؤخراً بسبب حالة إبنتها الصحية.
وقالت هيفا معبرة عن إستيائها: "الإنسان اللي عنده مشكلة في حياته أحسن من 100 شخص بيتنمر، ممكن البنت لما تكبر تبقى أذكى وأحسن من كل العالم، المهم أن لا تتأثر لا البنت ولا والدتها بما يكتب. يسرا اللوزي أنا بحبها وربنا يخليلها بنتها، المهم متتأثرش والحمد لله أن البنت ليها أم قوية بتواجه مجتمع مريض، لكن في نفس الوقت في أشخاص واقفين جنبها وبيدعموها، أحنا مش لازم نستسلم للمتنمرين، والمتنمر اللي بيسخر من طفلة دي خلقة ربنا. لازم يكون في قوانين للسوشيال ميديا ولما نفتح حساب جديد نكتب رقم البطاقة علشان لما حد يتنمر نقدر نوصله، لكن لما بيكون اسم الحساب أبو نونة وأم سوسو مش هنعرف مين بيكتب إيه".
كلام هيفا جاء في مداخلة إعلامية لها مع الإعلامي عمرو أديب، في برنامج "الحكاية" عبر قناة MBC مصر.
