إستذكرت الممثلة المصرية سماح أنور الممثلين المصريين الراحلين سمير غانم وسمير صبري، ولم تتمكن من أن تتمالك دموعها، وانهارت بكاءً مباشرة على الهواء.
وقالت سماح عن سمير غانم: "لولاه بعد ربنا أنا مكنتش همشي على رجلي. سمير غانم كان بيرشحني للأعمال وكان بيصر عاوزني أتواجد وأشتغل، أفضاله عليَّ، عمري كله من وأنا عندي 16 و17 سنة هو أهم حاجة في حياتي، اللي خلاني أمشي على رجلي، مكنتش عارفة هعمل إيه ولا هتعالج إزاي وهو اتصرف وكلم الديوان الملكي في السعودية وشالوا علاجي 10 سنين".
وقالت عن سمير صبري خلال لقائها في برنامج "أسرار النجوم" مع الاعلامية إنجي علي: "وجعني إن الناس تتكلم عنه وحش، وكل الكلام تأليف، واللي بيتكلم عن حد ساب الدنيا بشكل شخصي دا بياكل لحم الناس ميتة، حد بيتاجر وعاوز الناس تسمع عنه ويأخذ 3 دولار من السوشيال ميديا، أنا مش هرد على اللي اتقال لكن اتقهرت، سمير صبري كان رجل وفي وعمره ما غلط في حد، الناس توحشت ومبقاش في حرمة للميت، إحنا واقفين في الطابور ومحدش عارف الدقيقة الجاية مين هيكون الخبر اللي جاي".
