أطلق الفنان المصري مسلم أحدث كليباته الغنائية بعنوان "واحشاني"، والتي تمثل الأغنية الرئيسة والسادسة ضمن ألبومه الجديد المكون من 10 أغنيات طرح منها سابقاً "سحابة صيف" و"بنلف وندور" و"ماتتحبيش" و"على كل حال" و"طال بعدك".
الأغنية الجديدة، التي كُتبت ولُحنت بقلم مسلم ونُفذت توزيعياً بواسطة إسلام الأزرق وإخراجياً عبر عمر زكي، تنتمي إلى الطابع الدرامي إذ تجسد مشاعر الشوق ولوعة الغياب وصدمة الفراق للبعد عن الحبيب.
وتقول كلمات الأغنية:
"عندي سؤال ازاي قدرتي تكوني اقرب ف الغياب
عندي امل ، نرجع و لو بقلبين جداد
مشيتي من غير ما تقوليلي اعمل ايه ف الاشتياق
و اصعب من الصبر ، الغياب
واحشاني , و واحشني نفسي اللي كانت معاكي زمان
ماسك صور لينا بنضحك ف وسط الناس
قلبك نسي قلبي اللي مابينساش ، عملها ازاي
بقيت مضطر اعيش بهرب من الايام
و يا ليل ,
وصله مره سلام او ردلي بجواب
بكلمه ارتاح
دا انا عيني ,
ما شافت نوم من لما يومها سابني و راح
امانه يا شوق
مافيش مخلوق من اللي انا دوقته مره يدوق
يعيش موهوم في حلمه و لما منه يفوق
بأكتر حد مأمن له بإيديه مقتول
عندي فضول
اسمع حلول
تنهي الزعل و ترد روح
او نهايه للظنون
مش كفايه كل يوم
بقى عندي خوف
ياريته حلم و منه افوق
عمال بيتكرر كابوس
غرقان و انا
مابعرفش اعوم
و بيقولوا دلوقتي ليه
حبيب جديد
دا انا قلبي مش هاين عليه
يقول نسيه
بقى دا جزائي و دا اللي بتحاسب عليه
اني مقدرتش اشوفك غير حبيبي
اول , و وعد تكون اخير
حبيبي , مش ليك تتقال لمين
حبيبي , هتروح من قلبي فين
و اهو راح منك يا عين
و ماعادش فاضل لينا شئ".