أحيت الممثلة المصرية هالة صدقي، الذكرى السنوية السادسة لوفاة والدتها، ونشرت صورة قديمة، ظهرت فيها من طفولتها مع أمها، وكتبت: "الله يرحمك يا أمي، زي النهارده كان أتعس يوم في حياتي، لكن أسعد يوم ليكي لأنك تخلصتي من كل العالم المليئ بالحروب والكذب والمنافقين، حتى لو بعدتي بجسدك إلا أن روحك الطاهرة معي طوال الوقت، أشكرك لأنك ربيتني وربيتي ولادي أحسن تربية، ومش بس إحنا، ربيتي أجيال منهم قضاة وأطباء ومهندسين ووزراء".
وأضافت هالة صدقي: "أشكرك على دعائك لي ورضاكي طول الوقت، ويمكن ده اللي بينقذني لغاية النهارده من كل شر، وأذكرك لما كنتي بتقوليلي إوعي تخافي من أي حد، لأن أي حد بيحاول يضرك ربنا بيجيبه الأرض فاطمئني، الله يرحمك يا أجمل وأعظم أم".
الممثلة المصرية هالة صدقي