نشر الفنان اللبناني مروان خوري، صورة مميزة قديمة له، جمعته بوالدته الراحلة السيدة نسيمة خوري، استذكرها من خلالها في ذكرى رحيلها، ووجه لها رسالة من الحب والإشتياق، إذ علق قائلاً:
"يا إمّي…
مرقوا ست سنين، ومطرحك بعده دافي بقلبي،
بعده صوتك بيرنّ بذكرياتي، متل صلاة ما بتنطفي،
وبعده حضنك أمان، حتى لو ما عاد موجود.
يمكن الناس بتقول الوقت بينسّي،
بس أنا كل يوم بكتشف إنّو الوقت بس بيوضّح
قدّيش كنتِ عظيمة، قدّيش كنتِ نور بهالطريق المعتم.
كل غنية بغنّيها فيها منك نغمة،
كل وجع بحسّو فيه منك بلسم،
وكل لحظة فرح… ناقصة من دونك شوي.
بس بعرف، بعرف إنّك سامعتيني…
بعرف إنّك حوالَيّ، عم تبتسمي بصمت،
وعم تهمسيلي: “كمّل… بعدك قادر تحب.”
سلام لروحك،
يلي ما غابت… بس صارت أوسع، وأقرب من الهوا.
بحبك يا إمّي… ورح ضل حبك كل يوم بصوتي، بصمتي، وبحلمي".
