عبّرت الممثلة المصرية هالة صدقي، عن سعادتها بخروج المخرج عمر زهران من السجن.
وكتبت هالة صدقي على صفحتها الرسمية عبر مواقع التواصل الاجتماعي: "مبروك لصديقي وعزيزي عمر زهران الف حمد لله على السلامة، النهارده أول يوم هعرف أنام، افتح شبابيك للفرحة لكل اللي بيحبوك، وكل اللي زعلوا علشانك، ولكل اللي واثقين من أخلاقك ونزاهتك. كلنا حواليك، وانت انتصرت بحب الناس وعدم تصديقهم لأي تفاهات لتشويه سمعتك".
وأضافت صدقي: "فرصة إنك تعرف مين الصديق ومين الحقير، ومين الوفي ومين الحقيقي، ومين اللي بيدّعي وصدقني، حقك لسه هيرجع، أتمنى الدنيا كلها تقولك: مبروك، ألف حمد لله على السلامة".
وختمت منشورها بصورة قديمة تجمعهما، مشيرة إلى أنها تحمل رمزية عميقة: "ممكن تكون مش فاكر الصورة دي، كان فيها معانا ناس بس اتقصّوا من حياتنا، وخسروا أوفى أصدقاء، وكسبنا صدقنا".
