توفيت جدة الإعلامي رالف معتوق، السيدة ماري عزيز القاعي، ونشر رالف عبر حساب الخاص، صورة له مع جدته، وورقة النعوة، وعلق كاتباً: "ستي ماري راحت الليلة… بس ما راحت من غير وداع.
ودّعتنا بنظراتها، بكلماتها الأخيرة، بحنية قلبها اللي ما بينوصف. كأنها كانت حاسّة إنو الوقت صار قريب، وكأنها كانت عم بتقلنا خلّص، صار لازم فلّ.
كانت أمّي التانية، حضن ما بيتعوض، وصوت كان يردّ الروح. كانت تدعيلنا من قلبها، وتقلنا “خليكن حد بعض”، كانت تحبنا أكتر من حالها".
وأضاف رالف: "اليوم غابت ستي، بس ريحتها بعدها بكل زاوية، وصوتها بعده بيرنّ براسي.
قديش موجع الفقدان، بس قدّيش كنا محظوظين إنو كان إلنا تيتا متلها.
نامي بسلام يا ست الكل، وارفقي فينا من فوق.
المسيح قام…حقًا قام".
من موقع الفن نتقدم بأحر التعازي من الزميل رالف معتوق، راجين الله أن يتغمد جدته الراحلة بواسع رحمته، ويسكنها فسيح جناته.
