انتشرت الكثير من التعليقات على وسائل التواصل الإجتماعي التي تقول أن صانع المحتوى الشهير إسلام فوزي تنمر على التيك توكر شريف نصار ما أدى إلى حزنه الشديد ورحيله بأزمة قلبية حادة وهبوط في الدورة الدموية.
إسلام فوزي رد عل هذه الإتهامات بفيديو نشره على صفحاته على مواقع التواصل الإجتماعي أورد فيه:"عندي كلمتين بخصوص شريف نصار الله يرحمه ويغفر له يارب، أنا معرفوش ومعملتش عليه فيديوهات خالص واللي عنده فيديو يجيبهولي، أنا مش عارف ليه من ساعة خبر وفاته امبارح والناس مصرة تلبسني القصة دي أنا معملتش فيديوهات عنه، ومبعوتلي حسبي الله ونعم الوكيل فيك ما أنت تعبت ودخلت المستشفى مش من شوية وربنا بيخلص وأنا معملتش حاجة عن الولد خالص الله يرحمه ومجيتش جنبه تماما على أي اكونت من الأكونتات بتاعتي وفيديوهاته أنا شفتها وسبحان الله ملفتش نظري، وللمرة المليون فيديوهاتي مش نقد ولا بضايق حد والقصة كلها هزار وروحوا اسألوا الناس متضايقين ولا لأ، بالعكس في بعض الناس بتبعتلي تطلب مني أعمل فيديو على فيديوهاتها، في بعض الناس مرضى للأسف وأنا تعبت منهم، متشيلونيش شيلة مش بتاعتي أنا مليش دعوة باللي حصل لشريف دا قدرة وأنا شفت الفيديوهات اللي في الآخر هو كان تعبان والموضوع كان مضايقة، سبحان الله الراجل توفى ويشاء القدر أني أعمل عليه فيديو دلوقتي أخلي الناس تدعيله، ويا جماعة الخير بصفة عامة لو هتكتب تعليق أو هتعمل فيديو عن حد يا تقول كلمة لذيذة تهزر يا تسكت لكن الكلام اللي بيجي على الناس أوي بيبقى صعب وأنا تعرضت له".