كشف الممثل المصري حسين فهمي عن كواليس لقائه بالرئيس الفرنسي إيمانويل ماكرون وممازحته والهدية التي قدّمها له الرئيس.
وقال حسين فهمي أنه حصل على هدية من الرئيس ماكرون، وقال: "اللقاء كان مميز جداً، هو راجل لطيف ومحدّث لبق ومتواضع. أنا أول ما قابلته قلت له إذا كنت حضرتك رئيس أنا كمان رئيس مهرجان، قالي أنا مدّتي قرّبت تنتهي فقلت له تعالى اشتغل معانا. أنا كنت قاعد جنب وزير الثقافة الفرنسي السابق، وعلى شمالي وزيرة الثقافة الفرنسية الحالية، والرئيس الفرنسي كان قاعد جنبها على طول، واتكلمت على نشاط بنهتم به حالياً وهو ترميم الأفلام المصرية القديمة بالأبيض والأسود، وهو كان سعيد بده وكان معاه قلم وورقة وكتب لأنه ممكن يساعدنا في مسألة ترميم الأفلام. الرئيس الفرنسي يحب جداً نجيب محفوظ وقرأ كتب ليه وبيسمع أم كلثوم وبيتكلّم على أسمهان. وزيرة الثقافة الفرنسية قامت وهو قاللي تعالى أقعد جنبي وقلت له إحنا الاتنين رؤساء زي بعض، هو راجل بسيط جداً وهو ماشي ساب القلم بتاعه اللي كان بيكتب بيه وقاللي احتفظ به كهدية".