أشارت الممثلة المصرية داليا مصطفى، إلى أن ابنها يغار عليها، قائلة: "سليم بيغير عليا أوي بشكل سخيف مش ممكن لو مردتش وأنا في التصوير يفضل يسأل بتعملي إيه والتصوير فين وإنتي اتأخرتي".
وأضافت: "مرة كنا في أوروبا وكل الناس لابسه مايوهات عادي بيكيني، كان وقته صغير طلع سألني مامي هو إنتي هتلبسي مايوه بكيني؟ قلت له لأ، هو طول عمره بيغير وحتى مع أخته".
وتابعت: "القيم اللي علمتها لأولادي يخافوا من ربنا أوي ميكدبوش أبدا وعدم القسوة، وأولادي أطفال فهمت معاناة أمي، أنا مكنش عندي حد يساعدني في البيت أنا كنت رافضة الموضوع دا لما الولاد كبروا شوية قبلت، لكن قبلها كنت برجع من التصوير أعمل الأكل".
جاء حديث داليا مصطفى مع الإعلامي عمرو الليثي.
