تحدثت الممثلة المصرية شيماء سيف، عن مصالحتها مع الممثلة المصرية هنا الزاهد، بعد خلاف دام لـ 8 سنوات، وأشارت إلى أن الصلح تم في زفاف الممثلة ريم سامي.
وقالت شيماء خلال حلولها ضيفة على برنامج "صاحبة السعادة": "أنا شخصية مش بتحب التصادم، وكنت واقفة مع الفنان هشام ماجد، وحسن الرداد، والمنتج أحمد السبكي، في فرح ريم سامي، ولما شوفتها جاية قولت هروح على ترابيزة تانية، عشان تاخد فرصة تسلم على أصحابنا براحتها من غير إحراج، بس لما شافتني هي اللي بدأت وقالتلي تعالي يا شيخة كفاية بقي وسلمنا على بعض وهزرنا كتير واتصورنا"
أما عن سبب ابقائهما للبلوك لبعضهما على انستغرام، فقالت شيماء: "الكارثة بقى أننا مش عارفين نرجع بعض على انستجرام، لأنه طلع لو عملتي لحد بلوك وهو عمل بلوك، وعدى عليكم ما يقرب من 3 سنين، فإنستجرام مابيرجعكوش تاني عند بعض، فالناس قالوا بعد ما اتصالحوا رجعوا عملوا لبعض بلوك تاني، وأنا وهي دلوقتي بنضحك على واتس اب".