بعد أن حضرت حفل الختام مساء السبت، عبرت الممثلة المصرية عارفة عبد الرسول عن سعادتها بمشارتها بمهرجان نقابة المهن التمثيلية للمسرح في دورته السابعة.
وكتبت عبد الرسول على صفحتها على أحد مواقع التواصل الإجتماعي:"صراحة كنت محتاجة حاجة تهزني وتقويني ومش عارفة إيه هي بالظبط.. تلقيت دعوة لحضور ختام مهرجان نقابة المهن التمثيلية ورغم كسلي الشديد قولت يابت روحى كفاية ماروحتيش الافتتاح بس فالحة أي مشكلة تجيلك تجري على أشرف زكي اللي بيرد عليكي أي وقت..خلي عندك دم وروحي".
وتابعت:"لما شوفت كل الفرق المشاركة ع المسرح أكتر من خمسميت شاب وشابة قلبي زأطط، بنت طالعة تستلم جايزة شعرها كيرلي قعدت تتنطط وترقص شبهي بالظبط لما كنت اطلع أخد جايزة في الثقافة الجماهيرية، عينيا دمعت وجسمي قشعر وفرحت لفرحهم وشوفت حبايبي وانبسطت قوي واتمنيت اطلع ع المسرح أعمل أي حاجة، قلبي مرفرف ومش عارفة أنام".
