تحدثت مؤثرة الموضة الشهيرة على مواقع التواصل الإجتماعي شيماء صبري عن تفاصيل اصابتها بسرطان الثدي.
وفي التفاصيل قالت شيماء:" "أنا تلقيت الخبر بصدمة ولغاية دلوقتي أحياناً مش بصدق إللي حصل، والخبر جالي يوم عيد ميلادي يوم 17/ 7، كنت في مدريد ومسافرة احتفل وهتم 30 سنة، وأنا شاركت البنات تجربتي علشان يتعلموا، أنا حسيت بالورم في شهر 5 وكان صغير ومهتمتش بالموضوع، ورجعت مصر في شهر 6 وأخبرت أمي وقالتلي لازم نعمل فحص، وعملت الفحص وطلعت النتيجة يوم عيد ميلادي".
كما قالت:"بعد ثلاثة أسابيع من أول جلسة كيماوي، وأنا في المستشفى بدأ تساقط الشعر، كنت بصحى من النوم بلاقي شعري على المخدة، وأنا بسرحه ألاقيه وقع بكميات كبيرة، فضلت أصبر لمدة 3 أيام قولت يمكن مش هينزل تاني، بس للأسف رابع يوم وأنا أصلاً كنت قصيت شعري، لاقيت شعري موجودة في كتلة واحدة وميت، يعني شعري مات وهو على راسي، فبكيت كتير وقولت لأمي دا الوقت أنه خلاص أروح أشيله، فروحت الصالون إللي بروحه في لندن وقولتلهم شيلوا كل شعري".
كلام شيماء صبري جاء خلال حلولها ضيفةً ببرنامج "صباح الخير يا عرب" على قناة "MBC".
