تحدث الممثل المصري هشام ماجد بإعادة تصوير فيلم "البحث عن فضيحة" بطولة الممثل المصري عادل إمام مؤكداً على حماسته وقلقه.
وقال هشام ماجد: "هو نفس القصة ونفس الفكرة ولكن مش نفس التفاصيل، الموضوع معمول بما يناسب العصر اللي إحنا فيه، مودرن أكتر، بس هو نفس الإطار "واحد صاحبي متعرفوش" هي تجربة أنا متحمس ليها جدا وفي نفس الوقت قلقان، طول الوقت هتقعد تقارن بالفيلم القديم هو من علامات السينما، أنا بوعد الناس إننا هنقدم لهم حاجة كويسة متقللش من الفيلم القديم، وبعتمد على أن جمهور كبير من الصغيرين مشافش الفيلم القديم أصلا فهو هيتعامل مع الفيلم كأنه فيلم جديد إن شاء الله نقدر نقدم حاجة محترمة".
وعن رأي عادل إمام بإعادة تصوير الفيلم، قال هشام ماجد خلال لقائه في برنامج "الراديو بيضحك" مع فاطمة مصطفى، عبر إذاعة "الراديو 9090": "أكيد أستاذ عادل إمام عارف لأن رامي إمام هو مخرج الفيلم وأكيد مش هيستجرى يدخل فيلم زي ده من غير ما يقول للزعيم، رامي قالي أن هو مبسوط".