وجه الشاعر المصري تامر حسين رسالة شكر إلى الفنان المصري تامر حسني، وذلك بعد أن أقدم الأخير على حضور حفل زفاف خاص بأصدقاء حسين.
وكشف حسين التفاصيل قائلاً: "شكراً ل أخويا وحبيبى النجم الكبير المُحترم تامر حسني، موقف إنسانى من مواقف تامر المحترمة جداً اللى بيعملها كتير (من قلبهُ ) ويفرح بيها ناس كتير بِتحبه الراجل بعت لهُ إمبارح إن أخو صديقة ليا وعشرة عُمرى بيحبك وعايز بس فويس مُباركة
منِك تقوله ألف مبروك فرحهُ بكرة سألنى إسمه ايه ؟ وبعدها طب إسم عروستهُ قلت هيعمل إهداء ب إسمهم كتر الف خيره".
وتابع حسين: "قالي الفرح فين ؟ قلت لاء الموضوع كده كبِر بلاش ياتيمو، كتر ألف خيركمباركتك دى هتفرحهم وفضِلت ب ألح عليه
ب أكتر من رسالة مايجيش لأني انا شخصياً هروح من ٨ ل ١٠ وهمشي عشان عندي فرح تاني معزوم فيه ماردش عليا إمبارح تماماً بعدها قلت أكيد فهم إنها مش مستهلة روحت الفرح ومشيت وجالي تليفونات من كل اللي فى الفرح شكر وصريخ واندهاش وفرحة ما بعدها فرحة للعريس وعروسته وأهاليهم واصحابهم إن تامر حسني جه وبارك وغنا بلا أى مُقابل".
وختم حسين حديثه قائلاً: "ودي حركة بجد عُمرى ما ح أنساهالك ابو الذوق والواجب والجدعنة والإنسانيات ربنا يقدرك على كل الخير ويزيدك من وسع ياتيمو ومتشكر جداً جداً جداً جداً شرفتني والله".