عبرت الفنانة المصرية أنغام عن سعادتها بتفاعل الجمهور الرائع مع ألبومها الجديد "تيجي نسيب"، خلال حفلها الأخير الذي أحيته ضمن فعاليات موسم جدة.
وقالت أنغام في المؤتمر الصحفي: "الجمهور بيغني من أول دقيقة أنا مكنتش مصدقة بيغنوا الألبوم كله معايا أنا مكنتش مصدقة وطايرة من الفرحة بسبب استقبال الجمهور للألبوم الجديد والأغاني. دا بيأكد أن الجمهور الحقيقي هو الجمهور اللي بيحضر الحفلة اللايف مش أي حاجة تانية في الدنيا اللي أنا شفته النهاردة هو دا الحقيقة وهو دا النجاح اللي أنا بعتز بيه وبفتخر بيه وهو اللي بيشهد من غير كلام كتير".
وعن رأيها بتقنيات الذكاء الإصطناعي وعلاقته بالفن، قالت: "أنا مش عاجبني موضوع الذكاء الاصطناعي ومش هحبه ومش ناوية أحبه، إنما الفنانين الجداد والأصوات الجديدة كلنا بنفرح وبنرحب بيهم أنا شخصيا ببقى في قمة السعادة لما في مصر بيطلع صوت جديد شاعر جديد ملحن جديد، أنا معايا في الألبوم 3 بنات شاعرات كاتبين 3 أغاني وأنا سعيدة بيهم".
