تحدثت الممثلة المصرية إلهام شاهين عن اتخاذها قرار تبرعها بأعضائها بعد وفاتها وقالت : "؟نزلت فيديو عن التبرع بالأعضاء بعد الوفاة قلت لما أموت وفي أي شئ سليم، بعض الناس اتريقت وقالت هو فيه دلوقتي شئ سليم، فبدل ما يتريقوا يعملوا خير أو يصمتوا"
وتابعت خلال حلولها ضيفة على برنامج "ضيفي مع معتز" : لو كل أجهزة الجسم باظت وقرنية العين بس اللي سليمة، ممكن تخلي حد يفتح، دلوقتي بياخدوا كل حاجة حتى الأمعاء والأطراف، فالطب تقدم جدا ممكن ينقل أي شئ من جسم متوفي لجسد حي وتنقذ حياته"
وتابعت: "الجمهور اللي أداني القيمة اللي أنا فيها، لو حق عليا، والحاجات اللي بقولها دي فيها خير للمجتمع والبشرية زي التبرع بالأعضاء وده مش اختراعي، موجود في كل العالم المتحضر.
البعض بيقول حرام ده جسدك مش ملكك عشان تتبرعي به في شيوخ قالوا حلال مثل الشيخ خالد الجندي، والدكتور سعد الدين الهلالي، احترموا رأي رجال الدين لو مش حابين رأيي".
