دافع المخرج المصري ماندو العدل عن الفنان والملحن عمرو مصطفى بعد إعلانه عن خطته لألحانه بعد انتهاء عقودها مع فنانين آخرين، وأن هذه الأغاني ستعود له وسيقوم بغنائها بصوته وبكلمات وتوزيع موسيقي مختلف، وقد فسر البعض أنه يقصد أغاني الفنان عمرو دياب.
وكتب ماندو العدل عبر حسابه: "عمرو مصطفى ملحن كبير وكل تصريحاته الأخيرة و كلامه عن عمرو دياب نابع من فكرة عدم التقدير والإحساس بالظلم".
وتابع العدل: "محدش ينكر أن عمرو دياب أسطورة و كان ناجح جدا جدا قبل ما يتعاون مع عمرو مصطفى .. لكن كمان عمرو مصطفى طول عمر عمرو دياب الفني وأضاف لعمرو دياب أغاني hits عاشت وهتعيش".
وأكمل ماندو العدل: "أنا مش مع طريقة عمرو مصطفى أكيد لكن كمان مش عاجبني الناس اللي بتقلل منه وبتتعامل معاه على أنه ملحن عادي .. لا عمرو مصطفى مش عادي وكم نجاحاته مع عمرو دياب وغيره مش عادي".
وختم ماندو العدل رسالته: "الانصاف مهم .. الاتنين استفادوا من بعض والاتنين فنانين كبار والتقدير مهم للفنان .. عشان كده أنا حاسس بيه".
وكان عمرو مصطفى كتب عبر حسابه: "الأغاني اللي عملتها هترجع تاني بصوتي بعد انتهاء مدة حقوقها، فيه أغاني عملتها من سنة 1999، يعني فاضل حوالي عشرين سنة وترجع الحقوق تاني ليا، ووصيتي لأولادي عدم التجديد لاي شخص. هنبتدي ننزلها من دلوقتي بصوتي، لكن بالكلام متغير وتوزيع جديد تماما".
وتابع: الأغاني دي هتفضل موجودة بصوتي طول العمر، وأي نسخة بصوت أي مطرب غناها قبل كده هتتمسح تماما بعد انتهاء المدة القانونية لها. حنفتح المجال للشباب الجديد إنهم يكتبوا على الألحان دي كلمات جديدة، خلال الخمس أو ست سنين الجايين ده لو في العمر بقيه بأذن الله، هكون محضر كل الأغاني اللي عملتها بصوتي مع كتابات شبابية جديدة، ونصيحه للمبدعين أي تصريح لايزيد عن خمس سنوات.
