تحدثت الممثلة والإعلامية المصرية إسعاد يونس عن علاقتها بضرتها الفنانة المصرية شريهان، التي تزوجها زوجها رجل الأعمال علاء الخواجة.
وقالت انها عندما علمت بالخبر في البداية أصيبت بصدمة شديدة، وشعرت بالغيرة، وراحت تبكي بشكل كبير: "قعدت أفكر هل أنا مثالية لهذه الدرجة؟، هل انا جميلة الجميلات؟ لأ طبعا.. والراجل ده زوجي أنا بحترمه وأحترم وتاريخه وتفكيره، هل ممكن أتخلى عن كونه يتجوز مقابل إني معايا كل الكنز ده؟". وتابعت: "كمان فكرت في الأولاد، مين أهم أنا ولا إبني، وأنا حرصت جدا أظبط كل حاجة وأملأ كل الفجوات في هذه العلاقة، وأنا عشت وانبسطت ولازلت مبسوطة، ابتديت أهدى لأن الموضوع أكبر بكتير من أن زوجي اتجوز واحدة تانية".
وخلال حلولها ضيفة على الاعلامي أنس بوخش، نوهت إسعاد يونس إلى تطور علاقتها بـ شريهان إلى صداقة، وقالت: "الظروف جمعتني أنا وضرتي لقيتها هي برضة رغم أنهم حبوا بعض ودخلوا يعني في الحكاية بتاعتهم، إلا إنها شايلالي جوه قلبها قدر كبير من الاحترام، وهي هتخلف وهيبقى في شراكة دم بيننا، وكان لازم أخلي الوضع ده مسالم ومتحضر، أهم حاجة فيه الأولاد ومن أجلهم كل شيء يستجاب".
