كشف الممثل المصري أحمد السقا، عن تعرضه للضرب المبرح، وذلك في أول معركة له في حياته.
وقال السقا في خلال حلوله ضيفاً على برنامج "بيت السعد"، الذي يقدمه الفنان المصري أحمد سعد وشقيقه الممثل عمرو سعد: "اتضربت أكثر من علقة بس فيهم علقة منهم منسهاش واتضربت جامد فيها، كلت علقة موت لما كنا في البلد عندنا، كنت راجع من الغيط بالليل وبعد المغرب الفلاحين بيناموا وأنا كنت باركب الجاموسة الأول اللي هي ساقية القطيع فاشتبكت مع حد لقيت قرية بحالها بتضرب فيا بجريد النخل".
وأضاف: "بقيت أتضرب من القرية كلها بجريد النخل اللي بيلسوع واتجلدت جامد، وكان عمري وقتها 16 سنة، واللى حصل ده بسبب إني اتغاشمت على عيال البلد، لما كنت راكب الجاموسة وبقولهم وسعوا وسعوا لإن كان طالع وقتها أيام عمي يقول لك خشوا البيوت بهايم السقا مروحة يعني المربط فيه بهائم كتير".