تصدر الفنان المصري خالد سليم الترند على مواقع التواصل الإجتماعي، وذلك بعد أن ظهر متأثراً وهو يبكي أثناء احتفاله بعيد ميلاد زوجته خيرية.
وفي التفاصيل، احتفل خالد من أيام، بعيد ميلاد خيرية، إذ نشر مقطع فيديو عبر حسابه الرسمي، وجه من خلاله رسالة رومانسية لها، وظهر فيه وهو يبكي متأثرا.
وشارك خالد متابعيه مقطع فيديو قال فيه: "عيد ميلاد خيرية، لما صحابي أو الفانز يبعتولي يقولوا عيد ميلادنا انهارده أو عيد ميلاد حد من قرايبنا بعمله وانا كلي فرحة عشان هما طلبوا مني ده، تخيلوابقى لما يبقى عيد ميلاد مراتي".
وأضاف: "مفيش كلام ينفع يترجم كل اللي جوايا، عشان هي إنسانة مختلفة، جميلة، بنت ناس، شبعانة، بتحبني، جابتلي أحلى بنتين في الدنيا، خديجة وكنزي، صحبتي، حبيبتي، بنتي، الشخصية الوحيدة اللي ممكن اكون على طبيعتي معاها بزيادة، الشخصية الوحيدة اللي ممكن أرمي كل حمولي عليها وأنا عارف إني بتقل عليها، بس عارف انها هتستحمل، وعارف كويس اوي انها ضهري لأنها اد المسؤولية".
ولم يستطع خالد في نهاية الفيديو أن يتمالك نفسه، وظهر وهو يبكي متأثراً، ثم ختم حديثه قائلاً لزوجته: "بحبك".
